Wie si mir?

La moutarderie du Luxembourg

D’Moutarderie de Luxembourg – dat ass eng mënschlech Aventure, déi viru bal 100 Joer ugefaang huet an aus Successiounen an d’Vermëttele vun héije Wäerter besteet.

D’Moutarderie de Luxembourg – dat ass eng aussergewéinlech a gemeinsam Geschicht, wou exzellent Leeschtungen an Traditiounen eisen Know-how an eis Loscht, et nach besser ze maachen, Dag fir Dag guidéieren.

D’Moutarderie de Luxembourg – dat si 5 wichteg Datummen, aus deenen alles entstan ass, wat mir haut sinn:

1922 Ufank vun der Moschtertproduktioun am Pafendall an der Mohrfelsmillen, enger fréierer Mille vun 963, wou Miel gemuel gouf.

1976 De Raymond MUNHOWEN keeft d’Moutarderie Luxembourgeoise, wat de Moschtertverkaf am Grand-Duché doubléiert.

1986 D’Moutarderie de Luxembourg plënnert op de Site vun der Entreprise MUNHOWEN Distribution um Houwald an installéiert hei hir nei Offëllanlag.

2000 De Roland MUNHOWEN a säi Fils Yann iwwerhuelen d’Parte vun der Unitéit Moutarderie.

2008 Transfert vun der Moutarderie an en neit Gebai zu Mënsbech.

« Kache verlaangt e fräie Kapp, e generéise Geescht an en oppent Häerz. » Paul Gauguin

Eis Equipe

  • Roland <br/>MUNHOWEN

    Roland
    MUNHOWEN

    Direktioun Tél : (+352) 26 29 03 303
  • Yann <br/>MUNHOWEN

    Yann
    MUNHOWEN

    Direktioun Tél : (+352) 26 29 03 818
  • Jean <br/>FRANCK

    Jean
    FRANCK

    Resp. Produktioun Tél : (+352) 26 29 03 200
  • Sandra <br/> TATONE

    Sandra
    TATONE

    Verpakung Tél : (+352) 26 29 03 200
  • Marion <br/> JAKOBS

    Marion
    JAKOBS

    Verpakung Tél : (+352) 26 29 03 200

Eis Partner

  • logo-auchan-colo
  • logo-boff-colo
  • logo-cactus-colo
  • logo-del-colo
  • logo-massen-colo
  • logo-simon-colo
  • logo-simon-colo
  • logo-simon-colo
  • logo-simon-colo
  • logo-simon-colo
  • logo-simon-colo
  • logo-abatoir
  • logo-linkgel

Eis en Know-How

D’Moutarderie de Luxembourg produzéiert all Joer, virun allem fir den nationale Marché, ëm déi 270 Tonne Moschtert a 40 Tonne Mayonnaise. D’Moschterkäre kommen aus Kanada an aus Europa, während de Planzenueleg an der Mayonnaise vu Lëtzebuerg ass.

All d’Ingrediente si garantéiert 100 % natierlech an ouni Konservéierungsstoffer. De lëtzebuergesche Moschtert huet am Verglach mat anerem Moschtert e vill méi kuerzen Haltbarkeetsdatum. Genee dat mengt de Roland MUNHOWEN, wann hien en als e Produit bezeechent, deen „authentesch ass, eng laang Traditioun huet a jonk, frësch a sämeg genoss soll ginn“.

Bei all de Produktiounsetappen, déi Dag fir Dag a just op Basis vu fixe Liwweropträg duerchgefouert ginn, sinn de Roland a Yann MUNHOWEN ëmmer derbäi – vum Choix an der Commande vun de Matière-premièren, dem Iwwerpréiwe vun de Basisrezepter bis bei d’Supervisioun vun de leschten Aarbechtsschrëtter.

Am Géigesaz zu anere Moschtertproduzenten huele mir beim Muelen d’ätheresch Ueleger aus de Kären net eraus. Esou kritt de Moschtert eng nach besser Qualitéit an en eenzegaartegen Aroma.

Während d’zermuele Käre assembléiert ginn a räifen, gëtt Esseg derbäigemaach. Esou entsteet eng sämeg Mëschung, déi mat Salz, Zocker a Gewierzer ofgeronnt gëtt. Voilà! Den typesche Goût vum lëtzebuergesche Moschtert.

No engem weidere Vermëschen an Zermuele gëtt d’Kompositioun an eng Cuve gepompelt, wou si iwwer Nuecht rout, fir dass den Oxygen entstréime kann. Den nächsten Dag gëtt de Moschtert während engem voll automatiséierte Prozess an ënnert optimalen hygienesche Bedéngungen ofgefëllt. Esou ass d’konstant Qualitéit vum Produit garantéiert.

Säit d’Moutarderie de Luxembourg hiren Etiketten 2015 en neien Design ginn huet, feiert d’Entreprise grousse Succès an huet hiert Sortiment zënterhier ëm zwou nei Marken ausgebaut: „Ketchup de Luxembourg“ an „Andalouse de Luxembourg“.

Béid Produite ginn nach stänneg weiderentwéckelt – si hunn e gudde Ruff dank der ethescher Aarbechtsweis vun hire Createuren an der héichwäerteger Qualitéit vun hiren Zosen.